انا مش ح اتحجب انا ح اتأدب

وده جزء من مقال ف المصري اليوم بتوصف حال المؤيدين للحملة والمعارضين لها

( وأكد عدد كبير من أعضاء الجروب أنهم غير راضين عن الربط الذى أحدثته الحملة بين الحجاب والتحرش، وأكدوا أن المتحرش لا يميز بين المحجبة وغير المحجبة، وأشاروا إلى أن الحجاب فرض دينى لا ينبغى معارضته أو إقحامه فى قضايا أخرى، وأعلن عدد آخر رضاهم عن الحملة وتبنيهم أهدافها، وأكدوا إصرارهم على عدم ارتداء الحجاب مهما ابتزهم المتحرشون.
المعترضون على الحملة كتبوا تعليقات ساخرة، نصحوا فيها بإطلاق حملات موازية ترفع شعارات من عينة: «أنا هلبس بكينى ومش هتبصلى فى عينى» أو «أنا هقلع هدومى فى شارع عمومى» أو «أنا هلبس محزأ وأنت هتتهزأ»)

واللي يفتح الجروب هيلاقي ف ساحة الحوار مواضيع زي (اخلعي حجابك الان لا تترددي) وفيديو للكاتبة والمثقفة إقبال بركة تتحدث عن اسباب الحجاب وتاريخه وانه ليس بفريضة ملزمة بها المسلمة (لا حول ولا قوة الا بالله)
وبجد اي حد هيشوف حوار طارق السويدان مع اقبال بركة مش هيقول غير لا حول ولا قوة الا بالله وربنا يرحمنا


انا نزلت الموضوع ده عشان انا اول ما شفت الموضوع ده ف برنامج 90 دقيقة ع قناة المحور استفذني جدا الموضوع ودورت عليه ع النت وحبيت اعرف ارائكم ايه ف الفتنة الدينية اللي احنا عايشين فيها دي واللي كل واحد بيتكلم ع مزاجه اه فعلا اي بنت مش محجبة مش من حق اي حد انه يتحرش بيها او ينتهك خصوصيتها وهو ده هدف الجروب بس الموضوع مش بيقتصر ع كده دول بيدخلو الدين ف الموضوع وبيدخلو افكار غريبة لمجتمعنا الشرقي وان الحجاب مش فرض والافكار اللي زي دي بتدي الفرصة لكل واحد يتكلم ع مزاجه
اخيرا مش لاقية كلمة توصف الجروب ده غير انه مهزلة

مستنية ارائكم وتعليقاتكم